Ақпараттық технология

Жаңа  ақпараттық технологияның басты  тиімділігі – бұл мұғалімге қазақ  тілі сабақтарындағы оқу үрдісін  түбегейлі өзгертуге, оқытудағы пәнаралық байланысты күшейте отырып, оқушылардың дүниетанымдарын кеңейтуге және қабілеттерін көре біліп, оны дамытуға толық жағдай жасауы.

Қазақ тілі сабақтарында    ақпараттық және коммуникативтік технологиялардың мүмкіндіктерін    қолдануда  төмендегідей нәтиже беруде:

• Білімділік оқу материалын оқу бағдарламасы бойынша ғылыми

негізінде ең жоғарғы  дәрежеде меңгеріп шығуы және ілімдік  білімін іс жүзінде тиянақты, саналы түрде қолдана білуі;

• Ақпараттық технология мүмкіндіктерін қолданып, өз бетімен білімін

толықтыруға дағдылануы;

• Игерген материалдарын шығармашылықпен талдап, өңдеп,

қорытындылап, өз көзқарасын қорғай алуы;

• Жеке қабілеттеріне қарай шығармашылық жұмыстарға белсене

араласып, белгілі  бір ғылыми білім саласында өз мүмкіндігін көрсете алуы;

• Білімді жаңалық ашуға немесе білімді іс жүзінде қолданудың жаңа

жолдарын іздеуге  ұмтылуы тиіс.

 

Соңында, қорыта айтатын болсақ, ақпараттық технологияның ғылыми тұрғыда артықшылығы жеке тұлғаның шығармашылық қабілеті, танымдық белсенділігі, өзіне сенімі артады, қосымша материалдарды молынан алады.

«Айтушы ақылды болса, тыңдаушысы дана болады» дегендей, сөзімді қорыта келе, сабақтарымда жаңа ақпараттық технологияның  әдіс – тәсілдерін қолданудың мынадай тиімді жақтары бар екеніне көз жеткіздім:

• Оқушының оқуға деген ынтасы артады;
• Әр оқушының жеке қабілеті айқындалады;
• Үлгерімі нашар оқушыға көңіл бөліп, оларға көмектесу мүмкіндігі

туады;

• Жақсы оқитын оқушының тереңірек білім алуына жағдай туады;
• Әр оқушы өздігінен жұмыс істеуге дағдыланады;
• Оқушы өз білімін бағалай білуіне бағыттауға мүмкіндік береді.

 

 

 

 

 

 

 

 

 

 

 

 

 

 

 

 

Қорытынды

  Қорыта айтқанда, оқушыларды шығармашылыққа, өз бетімен іс-әрекет етуге бағытталған тапсырмалар саны көбейгенде ғана, өз пікірін айта алатын, оны дәлелдей білетін, өмірге деген өзіндік көзқарасы қалыптасқан, үнемі ізденіс үстінде болатын, қоғам дамуына үлес қоса алатын, жан-жақты жетілген жас ұрпақ өкілдерін дайындай аламыз.

Демек, жаңа ақпараттық технологиялық әдіс – тәсілдерді пайдалану білім сапасын арттырудың бірден – бір жолы. Оқыту үрдісінде оқушылардың білім қорын молайтуға, белсенділігін арттыруға, шығармашылық қабілеттерін жетілдіруге көмегі бар.

Қазақ тілі  пәнін оқытуда жаңа ақпараттық технологияларды  қолданудың маңызы өте зор. Сондықтан, ізденген ұстаздан ғана шығармашыл, дарынды шәкірттің шығары анық.

Білім беру жүйесін ақпараттандырудың  негізгі бағыты XXI ғасырдың талаптарына  сәйкес қоғамды дамытудың жоғары тиімділікті технологияларына сүйенген жаңа білім стратегиясына көшу болып  табылады. Осыған сәйкес жаңа білім  жүйесінің ерекшеліктеріне – оның іргелілігі, алдын алу сипаты және осыларға қолжеткізу мүмкіндіктері жатады.  Менің ойымша, болашақта мұғалімдердің еңбектері өз сабақтарында ақпараттық технологияларды пайдалану арқылы жеңілдейді, өйткені сабақты өткізу ақпараттандыру  арқылы жүргізіледі. Олар: интерактивті сабақтар, сабақ презентациясы және тағы басқа түрлері. Қазіргі заман талабына сай білім беру мәселесі, сол қоғам мүддесіне лайықты болу керек. Қазақтың бүгіні мен ертеңі жас ұрпақтың еншісінде дейтін болсақ, жас ұрпаққа білім беру ісінде әлемдік стандартқа сәйкес білім беруді темірқазық қылып ұстасақ қателеспеспіз.

Сондықтан, ХХІ  ғасыр – информатика ғасыры, яғни ақпараттандыру технологиясы дамыған  заманда мемлекетіміздің болашағы – жас ұрпаққа заман талабына сай білім беріп, жан-жақты дамуына ықпал ету мұғалімнен шығармашылық ізденісті, үлкен сұранысты талап етеді. Компьютер және ақпараттық технологиялар арқылы жасалып жатқан оқыту процесі оқушының жаңаша ойлау қабілетін қалыптастырып, оларды жүйелік байланыстар мен заңдылықтарды табуға итеріп, нәтижесінде – өздерінің кәсіби потенциалдарының қалыптасуына жол ашады. Бүгінгі таңдағы ақпараттық қоғам аймағындағы оқушылардың ойлау қабілетін қалыптастыратын және компьютерлік оқыту ісін дамытатын жалпы заңдылықтардан тарайтын педагогикалық технологиялардың тиімділігі жоғары деп есептейміз.

 

 

Пайдаланылған әдебиеттер:

1. Бөрібаев Б, Балапанов Е. Жаңа ақпараттық технологиялар.

Алматы, 2012ж.

2. Иманбаева А., Оқу-тәрбие үрдісін ақпараттандыру ділгірлігі. Қазақстан

мектебі, №2, 2011ж.

3. Интернет материалдары «Gooqle» сайты, 2012 ж.
4. Мұғалімге арналған нұқаулық. Үшінші деңгей. WWW.cpm.kz
5. Нұрмұханова Г. Жаңаша оқыту – уақыт талабы. Қазақстан мектебі,

№10, 2012ж.

6. Педагогика журналы №2-2012ж.
7. Рысбаева Г.Қ., Ерназарова З.Ш., Есеналиева Ж.Ж. «Қазақ тілі» пәні

бойынша электрондық  оқулық.. Алматы 2004 ж.

8. Рысбаева Г.Қ., Электрондық оқулықтардың тиімділігі. Алматы 2004 ж.