Кәсіпкерлік қызметтің жекелеген түрлерін құқықтық ретеу

4) авариялық байланыстың және хабарландырудың автономды жүйесі, персоналды және тұрғындарды мүмкін қауіптілік және төтенше жағдай туралы жедел ақпараттандыру.

536. Автоматизациялау құрал-жабдықтары мен құралдарды дайындаушының техникалық құжаттарына, технологиялық және климаттық жағдайларға сәйкес пайдаланылады.

537. МГК барлау объектілерін пайдалануға қабылдау кезінде бақылау, басқару, аварияға қарсы және өртке қарсы қорғаныс жүйесін әрбір объекті және технологиялық процесс бойынша сынау нәтижесін актілеу арқылы сынау жүргізіледі.

538. МГК объектілерін автоматизациялау үшін бақылау және басқару пунктері қарастырылады:

1) ұңғымаларды, сағалық алаңдардағы жеке құрылғылар мен қондырғыларды бақылау және қызмет көрсету үшін оператор постары;

2) ұңғыма өнімдерін өндіру, жинау, тасымалдау, дайындаудың технологиялық процестерін бақылау және қызмет көрсету үшін операторлық пунктер;

3) көмір сутек өнімдерді дайындау жөніндегі диспетчерлік пункт;

4) мұнай газ өндіру ұжымдарына арналған орталық диспетчерлік пункт.

539. Басқару пунктерінде келесі функцияларды қамтамасыз ететін аппаратуралар қарастырылады:

1) қауіпті авариялық режимдердің пайда болуы туралы авариялық сигнал беру және технологиялық кешеннің әрбір блогы бойынша автоматты іске қосылу;

2) технологиялық процесстер параметрлерін өлшеу және белгіленген режимнен ауытқу туралы сигнал беру;

3) технологиялық параметрлерді автоматты реттеу;

4) технологиялық блоктарды, агрегаттарды, бітегіш арматураларды, атқару құрылғыларымен және механизмдермен дистанционды басқару;

5) МГК барлау объектілерінде жұмыстарды орындау және деңгейі бойынша басқару ақпараттарды тіркеу және беру.

540. Жедел және диспетчерлік пункттер тиісті коммуникациялар, электрмен жабдықтау, байланыс, телеметрия, өмірмен қамтамасыз ететін, күзет және авариялық және қауіпті жағдайларда сыртқы әсерлерден қорғанысы бар барынша қауіпсіз орындарда орналастырылады.

541. Диспечерлік пункттер құрамында келесі ғимараттар қарастырылады:

1) басқару пульттерін, щиттер және тұрақты қадағалау мен бақылауды талап ететін аппаратураларды орналастыруға арналған диспетчерлік;

2) диспетчерлік қызметтің тұрақты қадағалауын талап етпейтін құралдар мен құрылғыларды орналастыруға арналған аппараттық;

3) ақпараттарды өңдеу және сақтауға арналған;

4) БӨҚАҚ жөндеу және қалыпқа келтіру шеберханасы (зертхана);

5) жедел және кезекші персонал жұмыс істейтін;

6) көмекші, қызметтік, күзет және санитарлық-тұрмыстық ғимараттар.

542. Жедел және диспетчерлік пункттер резервті электрмен жабдықтауы болатын бірінші санаттағы электр қабылдағыштарға жатады.

13-бөлім. Байланыс және сигнал беру

543. Жарылыс өрт қауіпті ғимараттар және сыртқы құрылғылар үшін байланыс және сигнал беру құрылғылары жарылыс қауіпсіздігі орындауында қарастырылады.

544. МГК барлау объектілері келесі байланыс және сигнал берумен қамтамасыз етіледі:

1) жалпы өндірістік телефон және телеметрикалық байланыс;

2) өндіріс ішіндегі диспетчерлік және басқарушы (директор байланысы);

3) тарату-іздестіру, ұялы және қатты сөйлейтін байланыс, факсті және электронды байланыс;

4) радификация;

5) күзет және өрт байланыс, бейне бақылау, «Дабыл» сигналын беру.

545. Жалпы өндірістік байланыстың телефон байланысы әдетте диспетчерлердің, операторлар жұмыс орындарымен, басшылық, авариялық-құтқару, өрт және медициналық қызметпен тұрақты байланысты қамтамасыз ететін, орталық жинау пунктінде, УПН және құрылымдық бөлімшелерде орналастырылады.

546. Ішкі өндірістік байланысты технологиялық процестерді соның ішінде диспетчерлердің объектілер мен қызмет көрсететін персоналмен тұрақты байланысын, ұйым және объектілер басшыларының байланысын тікелей орындайтын өндірістік персонал қамтамасыз етеді.

547. Басқарушы байланыс ұйым басшысы, диспетчерлік қызмет, объектілер және өндірістік технологиялық участоктар арасында тәуліктік режимде қамтамасыз етіледі.

548. Тарату ақпаратын бір уақытта беру, азаматтық қорғаныс және төтенше жағдайлар бойынша хабарлау үшін кезекші персонал тұрақты болатын ғимаратта орналасатын радификация желісі қарастырылады.

549. Дабыл сигналын беру үшін жедел-технологиялық, өрт және күзет дыбыс және жарық сигнал беру қарастырылады.

550. Байланыс станциясы қауіпті және авариялық жағдайларда ауа газдану мүмкіндігінен қорғауға арналған желдің басым бағыты және жер релефі ескерілетін барынша қауіпсіз орындарда орналыстырылады.

551. Байланыс, авариялық, өрт және күзет сигнал беру құрылғылары тиісті авариялық-құтқару және өрт қызметі, объектілерді күзету ғимараттарында орналастырылады.

552. Байланыс станциясы электр қабылдағыштардың 1-санатына жатады және электр генератор құрылғыларымен және аккумуляторлық батареялармен қамтамасыз етіледі.

14-бөлім. Электрмен жабдықтау және электр қондырғылар

553. Электр қабылдағыштар санаттары осы Талаптың 9-қосымшасында белгіленген нормалармен анықталады.

554. Электр құрылғыларына қызмет көрсететін персоналға қойылатын талаптар және біліктілік топтар электр қауіпсіздігі ережелерімен және технологиялық регламентпен анықталады.

555. Электр құрылғыларды және қондырғыларға қызмет көрсету және жөндеу электр құрылғыларын тұтынушылардың қауіпсіздік техникасы мен техникалық пайдалану талаптарына сәйкес іске асырады.

556. Зақымданға жарылыс өрт қауіпті электр қондырғыларды тиісті жарылыстан қорғану деңгейіндегі электр қондырғыларымен ауыстырылады.

557. Тарату құрылғыларының трансформаторлы шағын станцияларының кірісінде, электр берудің желісінің трассаларындағы тіреулерде, жер асты кабелдері мен басқа электр қауіпті объектілерде электр қондырғыларының қоршауларында қауіпсіздік белгілері мен плакаттар орналастырылады.

558. Жарылыс қауіпті аумақтарда орналастырылған аумақтарда электр сынауларын жүргізу, электр қондырғыларының параметрлерін өлшеу жарылыс қауіпті емес аумақтардан жарылыс қорғанысын бұзбай жүргізіледі.

559. Жарылыс қауіпті аумақтарда дұрыс жұмыс істемейтін тасымалданатын электр құралдары мен жарылыс қорғанысы тобына тиісті емес тасымалданатын шырақшамдарды қолдануға жол берілмейді.

560. Электр техникалық персоналдың қолданыстағы электр құрылғыларында және электр желілерінде операцияларды орындауға, ал басқа қызметкерлердің электр сымдарын және электр аппараттарын басқару жөніндегі әрекеттерді орындауға, тасымалданатын электр шамдарын, электр құралдарын қолдану қорғаныс құралдарын қолдана отырып жүргізіледі.

561. Электр двигательдерінің және басқа электр аппаратураларын іске қосу алдында ылғалдылығы жоғары ғимараттарда және сыртқы құрылғыларда диэлектрикалық қондырғылар мен резиналы кілемшелер орналастырылады.

562. Қорғаныс құралдарын қолдану алдында сынау мерзімі, кернеулікке сәйкестігі зақымданулардың болмауы тексеріледі.

563. Электр құрылғыларының есіктері жабық қалыпта болады.

564. Жұмыстар электр құрылғыларында ұйымдастыру –техникалық шарттар орындалғаннан кейін жүргізіледі.

565. Электр құрылғылары мен қондырғылар диспетчерлік және жұмыс орындарында болатын технологиялық және электр сызбаларына сәйкес нөмірленеді және белгіленеді.

566. Өлшеу хаттамасын және тексеру актісін жасай отырып, жерге қосу құрылғысының техникалық жағдайын анықтау үшін:

1) жерге қосу құрылғысының көрінетін бөлігін сырттай қарау;

2) жерге қосу жәнге жерге қосылатын элементтер арасындағы қосылыстарды тексеру, аппараттарды жерге қосатын құрылғымен қосатын сымдардағы үзілулер мен контактілердің бұзылуын анықтау, қорғаныс құрылғыларының жағдайын тексеру;

3) жерге қосатын құрылғының кедергісін өлшеу;

4) «фаза-ноль» электр тізбегін тексеру;

5) жердегі жерге қосатын құрылғының элементтерін қарау үшін жерді ішінара ашу;

6) тексеру және сынау нәтижелерінің хаттамалары мен актілерін рәсімдеу.

15-бөлім. Сумен жабдықтау, кәріздер және қабатқа су айдау

1-бөлімше. Сумен жабдықтау жүйесі

567. МГК барлау объектілер кешені үшін өндірістік, өртке қарсы және шаруашылық-ауыз сумен жабдықтау жүйесі қарастырылады.

568. Су мөлшері мен сапасына қойылатын талаптар пайдалану мақсаты мен шарттары, технологиялық процесс және қондырғыларды тот басу әсеріне байланысты белгіленеді.

569. Сумен жабдықтау жүйесінің ғимараттары резервтік сұранысы ескеріле отырып қарастырылады.

570. Су шығынын өлшеу әрбір су тартқыда, су ағындарында және сумен кері жабдықтау жүйесінде жүргізіледі.

571. Судың құрамы мен сапасы журналға тіркеу арқылы санитарлық  нормалар бойынша бақыланады.

Суды сақтау жүйесіне айдау үшін зиянды заттармен ластану және биологиялық әсер ету қауіптілігін болдырмайтын қондырғылар қолданылады. Ауыз суға арналған ыдыстар жабылады және күзетіледі.

Ауыз сумен жабдықтауды қамтамасыз ететін қызметкерлер жүйелі медициналық тексеруден өткізіледі. Денсаулығы сәйкес келмеген жағдайда, жұмысқа жіберілмейді.

572. Ыдыстар, сорғыш құрылғылар, трубақұбырлар мен арматуралар төмен температурада қатуды болдырмау үшін жылу оқшаулаумен және жылу серіктерімен қамтамасыз етіледі.

2-бөлімше. Кәріздер жүйесі

573. Объектілерде қабатты, өндірістік, жаңбыр және тұрмыстық ағынды сулар үшін кәріздер жүйесі жобаға сәйкес пайдаланылады.

Кәріздерге жіберілетін концентрациясынан жоғары болатын мұнай және мұнай өнімдеріне, зиянды және қауіпті заттарға арналған қондырғылар, аппараттар, резервуарларды тазарту және булау өнімдерін шығаруға жол берілмейді.

574. Объектілерде жоба бойынша өнімдерді түсіруге арналған терминалдарды (эстакадалар) қоса алғандағы мұнай, газ және конденсаттарды дайындау, сақтау және тасымалдау кезінде тазарту ғимараттары бар орталықтандырылған кәріздер жүйесі қарастырылады.

Ұңғымалар, сепарациялық және өлшеу объектілер және осындай жеке тұрған объектілер алаңдарында, ағынды суларды ағызу және жинау тазарту ғимараттарына шығарыла отырып, кәріздік жүйеге шығару арқылы кәріздік ыдыста жүргізіледі.

Ағындарды жинаудың жекелеген қондырғыларын жөндеу кезінде инвентарлық түптер мен ыдыстар қолданылады.

575. Персоналдық тұрақты болатын тұрмыстық санитарлық-гигиеналық ғимараттары бар объектілерде тұрмыстық кәріздер қарастырылады.

Тұрмыстық кәріздерді өндірістік кәріздерге қосуға жол берілмейді.

576. Тазартылған қабаттық, өндірістік және жаңбыр ағындары мұнай қабаттарын сумен толтыру үшін қолданылады. Сумен толтыру мүмкіндігі болмаған жағдайда, олар сіңіру деңгейжиектеріне айдалады немесе жобаға сәйкес булану гидротехникалық ғимараттарға шығарылады.

577. Қабат сулары (тазарту ғимараттары, сорғыш станциялар және топты сорғыш станцияларына дейінгі су тартқылар) кәріздер жүйесінің ғимараттарының өнімділігі қабат суларының есептік көлемінен 15 % мөлшеріне дейінгі резерві болады.

Ағынды сулар көлемін өлшеу және анализдеу:

1) тазартылған ағынды суларды буландыру су айдындарына шығару алдында тазарту ғимараттарында;

2) ағызу орындарына, мұнай қабаттарының су толтыру жүйелеріне тазартылған қабаттық және ағынды суларды беретін сорғыш станцияларында;

3) сумен толтырудың топты сорғыш станцияларында жүргізіледі.

578. Объектілер алаңдарынан ағынды суларды қабылдау үшін гидро бітегіштері бар, өндірістік ғимараттардан 10 м кем емес қашықтықта орналасатын қабылдау ыдыстары (құдықтар) қарастырылады.

Алаңдарда орналасқан жаңбыр қабылдағыштардан жинау құдықтарына дейін диаметрі 200 мм кем емес трубақұбырлар қарастырылады.

579. Құрамында мұнай болатын кәріздік желілер үшін жанбайтын материалдар қолданылады.

580. Құрамында мұнай болатын өзіндік ағатын кәріздік желілер үшін биіктігі 0,25 м кем емес гидравликалық бітегіштер:

1) кәріздер желісінде (400 м кем емес қашықтық сайын);

2) ғимараттар мен имараттардан, тазарту ғимараттарынан шығар алдында 10 м кем емес қашықтықта;

3) резервуарлар немесе қоршаулар сыртындағы резервуарлар топтары аумақтарынан шығар алдында қарастырылады.

581. Қабаттық және ағынды суларды сумен толтыру жүйесінің топтық сорғыш станцияларына тасымалдайтын қысымды трубақұбырлар әдетте, екі желіде (тиісті негіз болғанда бір желіге салуға жол беріледі) қарастырылады.

582. Қабаттық және ағынды сулар трубақұбырларының профиль өзгеруінің биіктетілген нүктелерінде ауа шығаруға арналған бұрандалар орнату қарастырылады.