Нарықтық қатынастардың тереңдеуі жағдайында салық салудың әлеуметтік салдары

Диссертациялық зерттеудің мақсаты және міндеттері. Диссертациялық зерттеудің мақсаты Қазақстан Республикасындағы қазіргі кездегі салық салудың әлеуметтік салдарларын анықтау және салық жүйесін әлеуметтік тұрғыдан оңтайландыру жөнінде ұсыныстар жасау болып табылады.
Аталған мақсат келесі міндеттерді шешу арқылы жүзеге асырылады:
салық салудың теориясы мен практикасына талдау, салықтық қатынастардың әлеуметтік процесстердегі атқаратын рөлін зерттеу;
әлеуметтік процесстерге әсер етуі жағынан салық жүйесінің функционалды мүмкіндігін қарастыру;
индустриалды дамыған елдердің салық жүйесінің қоғамдық процесстерге, оның ішінде әлеуметтік салаға қаншалықты ықпал ететіндігін сипаттау;
Қазақстан Республикасындағы салық жүйесінің ерекшеліктерін қарастыру, олардың әлеуметтік міндеттер және экономикалық мақсаттармен сәйкестілік деңгейін межелеу;
салық салудың әлеуметтік салдарларын білдіретін критерийлерді анықтау;