Тәелсіз қазақстан

Тәуелсіз  Қазақстан: бейбітшіліктің келісімнің және жасампаздықтың 20 жылы

Мақсаты: 1) Оқушыларды достыққа, адамгершілікке, саналылыққа тәрбиелеу, туып өскен жеріміз Қазақстан Республикасы туралы әңгімелесу арқылы  тереңірек білу

                 2) Отанды сүюге, еліміздің  рәміздерін құрметтеуге туған еліне, жеріне деген сүйіспеншіліктерін арттыру.

                 3) Сөйлеу мәдениетін дамыту

Көрнекілігі:

Құрметті  оқушылар біздің жаңа оқу жылындағы алғашқы сабағымыздың тақырыбы «Тәуелсіз Қазақстан: Бейбітшіліктің, келісімнің және жасампаздықтың 20 жылы». Бұл күнде Республикамыз – өз алдына тәуелсіз мемлекет.       

     Тәуелсіздік –  біздің ең басты құндылығымыз. Бұл күнге сан ғасыр бойы армандап жеттік. Тәуелсіздікке қан төгіссіз, бейбіт түрде қол жеткізіп, елімізді әлемнің өркениетті мемлекеттерінің қатарына қостық. 20 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз.  
Барша қазақстандықтар үшін Тәуелсіздіктің мәні де, маңызы да айрықша. Өйткені біз Тәуелсіздіктің арқасында тарихымызды түгендеп, тілімізді, дінімізді және ділімізді қайта оралттық. Мемлекетіміздің ұлттық рәміздері қабылданып, ұлттық салт-дәстүрімізді жандандырдық. 

Қазақстан  территориясы бойынша дүние жүзінде 9-орын алады,ал ТМД елдері бойынша 2-орын алады.Қазақстан аумағы 2,7 млн.шаршы  шақырым. Қазақстан  мемлекетінің тарихи даму жолын айқындайтын өз рәміздері  – Елтаңбасы, Туы, Әұраны бар.

       Қазақстан Республикасы унитарлы  мемлекет болып саналады. Ол 14 әкімшілік  территориялық облысқа бөлінген. Мемлекетінің астанасы – Астана  қаласына көшірілгеніне биыл 14 жыл  толды. Бүгінде Астана қаласы  Қазақстанның ең ірі және экономикалық  дамыған мәдени қаласына айналып  отыр.

    Қазақстан Республикасының жеткен  жетістіктеріне шолу жасап өтейік.

1989ж. 22 қыркүйек – тіл туралы Заң  қабылданды.

1991ж. 29 тамыз – Семей полигоны жабылды.

1991ж. 1 желтоқсан  – қазақ КСР – нің алғашқы  президенті Н.Ә.Назарбаев сайланды

1991ж. 16 желтоқсан – Қазақстан Республикасың  Тәуелсіздігі жарияланды.

1991ж. 2 қазан  – қазақ халқының тұңғыш ғарышкері  Тоқтар Әубәкіров ғарышқа ұшты

1992ж. 2 наурыз  – ҚР БҰҰ мүше болды.

1992ж. 4 маусым  – ҚР туы мен Елтаңбасы қабылданды.

1993ж. 15 қаращада  - ҚР Ұлттық валютасы  – теңге айналымға еңгізілді.

1995ж. 30 тамыз – ҚР Конституциясы қабылданды.

1998ж. 6 мамыр  – Ел астанасы Ақмола қаласына  Астана аты берілді.

1999ж. 11 маусым – ҚР «Білім туралы  Заңы» қабылданды. Академик Қ.И.  Сәтбаевтің 100 жылдығы жарияланды.

2002ж.  – «Денсаулық жылы».

2003- 2005 жылдар «Ауыл жылы».

2005ж. 18 ақпан – ҚР Президентінің Н.Ә  Назарбаевтің Қазақстан

халқына жолдауы.

2005ж  4 желтоқсан – Бүкілхалықтық Президент  сайлауы болды.

21 желтоқсан  –ҚР 12 жылдық жалпы орта білім  беру тұжырымдамасы.

2006ж  6 қаңтар –ҚР жаңа Әнұран қабылданды.

11 қаңтар  ҚР Призиденті Н.Ә.Назарбаевты  ұлтықтау рәсімі өтті.

2007ж. 7 маусым  – ҚР  Президентінің Интернет  – конференциясы болды.

18 тамыз  – ҚР Мәжілісі мен мәслихаты  депутаттарын сайлау күні

2008 жылы  Астананың сол жағалауындағы  әсем де зәулім ғимараттар  қатарын «Қазақ елі» монументі  толықтырды.

2010ж.  Астана қаласында мемлекет тарихында тұңғыш рет Орта Азия елдерінің басшыларының қатысуымен ЕҚЫҰ-ның Саммиті өтті. Тіпті, өткен ғасырдың өзінде КСРО-да Мәскеу қауіпсіздік пен ынтымақтастық бойынша Еуропа мемлекеттерінің жиынын өткізу мерейіне ие болған жоқ. Сондықтан бұл ірі халықаралық ұйымның Саммитінің Астанада өтуі – мемлекет үшін де, еліміздің әрбір азаматы үшін де биылғы жылдың басты оқиғасы.

2011ж. 30 қаңтар – 6 ақпан аралығында  Астана- Алматы қалалдарында 7 Қысқы  «Азияда» ойындары өтті

Мұғалім: Иә, балалар , өткен жылдар жемісін еске түсірдік. Енді осы тәуелсіздігіміз туралы, Отан туралы сұрақтарға тәрбие сағатымыздың «Кім көп біледі?» бойынша әр топ жеке- жеке қойылған   ақылдасып жауап беріндер.

Жасұлан тобына:

1. ҚР  өз Тәуелсіздігін қашан жариялады? (1991,16жел)
2. Еліміздің рәміздері қабылданған күн?(1992 4маусым)
3. Астана Қ-ның нешінші астанасы? (4)
4. ҚР тұңғыш «Ата заңы»  қашан қабылданды? (1995,28 қаңтар
5. Отан деген не? Калай түсінесіндер?

Алғырлар  тобыны:

1. Қазақ халқынын тұңғыш ғарышкері Тоқтар Әубәкіров ғарышқа қашан ұшты? (1991ж 2қазан)
2. ҚР қай жылы БҰҰ мүше болды? (1992ж 2наурыз)
3. Астанамыз қашан он жасқа толды? (2008ж 10маусым)
4. Елтаңбаның авторлары кімдер? (Шотаман Уәлиханов, Жандарбек Мәлібеков)
5. Отан туралы қандай мақал – мәтел  айтар едіңдер?

Ұлан  тобына:

1. Қазақстанның ұлттық валютасы не? Ол қашан айналымға енгізілді? (1993ж 15қараша)
2. ҚР «Білім туралы заң » қашан қабылданды? (1999ж 11маусым)
3. ҚР Туының авторлары кімдер? ( Шәкен Ниязбеков)
4. Қай жылы Ақмола қаласының аты Астана болып өзгерді? (1998ж 6мамыр)
5. Еліміз өзінің несімен, қандай қасиеттерімен  айбатты,айбынды?

Балдырған тобына:

1. Қай жылы Бүкілхалықтық Президент сайлауы болды? (2005ж 4 желтоқсан)
2. Қай жылы? Қай қалада  тұңғыш рет Орта Азия елдерінің басшыларының қатысуымен ЕҚЫҰ-ның Саммиті өтті.
3. 2002жыл қандай жыл деп бекітілді? ( Денсаулық жыл)
4. ҚР әнұранының авторлары кімдер? (Н.Ә. Назарбаев,Шәмші Қалдаяқов...)
5. ҚР Тәуелсіздігінің 20 жылдығына айтар тілектерін.  

Тәуелсіздік –  біздің ең басты игілігіміз, баға жетпес құндылығымыз. Жас мемлекет тарихындағы жаңа дәуір дәл осы Тәуелсіздіктен бастау алады. Дәуір жасампаздығы сенімді және серпінді дамуға байланысты. Сондықтан да Тәуелсіздік ерекше маңызға ие.

 Ендеше, ҚР  тәуелсіздігінің 20 жылдығына арналған  тәрбие сағатымыздың келесі бөлімі  «Суреттер сөйлейді»деп аталады.  Бұл бөлімде  балалар ҚР  тәуелсіздігінің 20жылдыға  арналған  тілектерін қағаз бетіне салып,  өз ойларын білдіреді.

Елімізде әрқашан  береке – бірлік болсын деген ниетпен  бүгінгі тәрбие сағатымызды Н.Ә.Назарбаевтың мыны сөздерімен аяқтағым келеді: «Бәріміздің  жүрегіміз Отан деп соғып, тәуелсіздік  туы халқымыздың еркіндігін паш  етіп желбірей берсін! Еліміз мерекелі, тұрмысымыз берекелі болғай, жас достар!»