Сауранбаев Нығмет Тінәліұлы

1932 жылдан бастап ол жоғары оқу орындарында сабақ берді, студенттер мен аспиранттардың ғылыми - зерттеу жұмыстарына жетекшілік етті. Н. Сауранбаев 1950 жылдардан бастап қазақ тілінің тарихы мен диалектологиясы туралы мәселелермен шұғылданады. Әдеби тілдің тарихы жөнінде еңбек жазып, артына елеулі із қалдырды: «Қазақ әдеби тілінің дамуындағы Абайдың ролі» (1954), «Қазақ тілінің жасалуы туралы» (1954), «Қазіргі қазақ тіліндегі диалектілер»(1955), «Қазақ әдеби тілінің тарихын зерттеу туралы»(1960).