Шаңды бронхит.Емдеу және алдын алу принциптері

Кәсіби аллергендермен, шаңмен, газбен басқа да өндірістік аэрозолдермен байланыста болатын жұмыскерлерге медициналық қарсы көрсеткіш болмаған жағдайда оларды таңертегі жаттығуларға спортмен жүйелі айналысуға, таза ауада серуендеуге, жеңілдеу киінуге үйрету керек.

Шаң және токсико-химиялық факторлар басым өндірістерде тыныс алу гимнастикасын, профилактикалық  аэрозолдық және  электроаэрозолдық ингаляцияларды кеңінен қолдану керек. Ингаляция заттарының құрамы жеке таңдалады.

Медико-әлеуметтік сараптама, диспансерлеу және еңбек реабилитациясы. Созылмалы шаң бронхитімен ауыратындардың еңбек қабілетін сырқаттың ағымының ерекшелігі, оның ауырлык дәрежесі, жасы, стажы, жұмыс түрі, науқастың мамандығы және оның нақты шарттарымен есептесіп шешу керек:

• науқастың, көңіл-күйіне аз әсер ететін және тыныс қызметінің бұзылуына әкелмейтін жеңіл айқын бронхитте жұмыскер динамикалық бақылаудан және емнен кейін бұрынғы жұмысында қала алады;
• қабынулық, демікпелік көріністер қосылып, көңіл-күйінің нашарлауы мен өкпе жеткіліксіздігіне әкелетін сырқаттың шамалы айқын бронхит түрінде өтуінде шаңның әсерінен тыс, қолайсыз метеофакторлар мен физикалық күш түспейтін жұмысқа ауыстырылу ұсынылады.

Цехтағы шаңданудың салыстырмалы төменгі деңгейінде және сырқаттың өршусіз ағымында науқастың жұмысы ескеріліп, ол жұмысын динамикалық бақылаумен жалғастыра алады. Бұл жасы зейнетке шығуға аз қалған жұмысшыларға қатысты:

- сырқат ағымынды айқын демікпелік көріністер шаңмен қатынасты жұмысты тоқтатудың көрсеткіші болып сапалады;

- шаңды өндірістердің жұмысшыларының созылмалы бронхиттің асқынған түрлері жұмысқа қабілетті толық жоғалтуға әкеледі.

 

 

 

 

 

                              

 

 

 

                             Қорытынды

   Қорыта келсек,шаңды бронхитпен ауыратын науқасқа  шаңмен жұмысты жалғастыра берген жағдайларда ауру өрши түседі. Бұндай жағдайларда шаңды бронхиттің мүгедектік түрінің айқын клиникасы дамиды. Дискриния мен дискинезия бронх ағашындағы қабынулық өзгерістердің дамуына әсер етеді, ол обструкцияны үдете түседі. Обструктивті өзгерістердің өршуі, бролнх оспазмдардың пайда болуы, өкпе эмфиземасымен тыныс жетіспеушілігіне әкеледі. Аурдың бастапқы кезеңдерінде  тыныс қызметтерінің бұзылыстарының дамуы, жүрек тамыр жүйесіндегі өзгерістерді тудырады. Аурудың басында жүректің соққылық және минуттық көлемі ұлғаяды, ал айқын өкпе эмфиземасымен тыныс жетіспеушілігі бар науқастарда ол шамалы түрде төмендейді. Өкпедегі процестердің өршуі кіші қан айналым шеңберінде гипертензияның дамуымен өкпелік жүректің қалыптасуына әкеледі. Сондықтан дер кезінде емделіп, аурудың асқынуына жол бермеуіміз керек.

                             

Пайдаланылған әдебиеттер

 

Негізгі:

 

1. Карабалин С.К. Медицина труда. – Алматы. 2010. -372 б.
2. Мамырбаев А.А. Основы медицины труда. – Актобе. 2010. -705 б.
3. Жұмабекова Б.К., Жаппарова Б.Т., Ғазалиева М.А. Кәсіби аурулар бойынша дәрістер курсы. Қарағанды, 2007ж.

 

Қосымша:

1. Құлмағамбетов И.Р., Алиханова Н.А. Руководство по классификациям заболеваний. Караганда: Глассир, 2009. -540 б.
2. Артамонова В.Г., Мухин Н.А. Профессиональные болезни. М: Медицина, -2006. -432 б.
3. Косарев В.В., Лотков В.С. Профессиональные болезни. М., -2009. -349 б.

 

• Бақылау сұрақтары:
1. Шаң факторларының түрлері.
2. Шаңның физико химиялық қасиеттері.
3. Шаң факторлары әсер етуі мүмкін еңбек жағдайы.
4. Шаңды бронхит патогенезі.
5. Шаңды бронхит кезіндегі клиникалық синдром.
6. Шаңды бронхит кезіндегі клиникалық көріністер, асқынуы.
7. Диагностикалық критерийлері (рентгенологиялық, биохимиялық, аспапты).