Чытаючы аповесць Васіля Быкава "Знак бяды"

Аповесць Васіля Быкава «Знак бяды» належыць да самых значных і глыбокіх сучасных твораў. Праз вайну аўтар здолеў раскрыць гісторыю вёскі, лесы людзей, важнейшыя сацыяльныя і маральныя працэсы дзесяцігоддзяў, што папярэднічалі вайне. В. Быкаў паказаў, што многае можна ўбачыць і зразумець толькі праз трагедыю, якая раскрывав такія глыбіні чалавечай душы, да якіх ніякім іншым спосабам нельга дабрацца. Але ж сапраўдная навізна «Знака бяды» не ў тым, што тут намаляваны народныя характеры.