Маркетинг фирма қызметінің нарыққа бейімделу жүйесі ретінде

• республикалық және жергілікті бюджеттен, халықаралық фондтар мен ұйымдардан алынған қаражаттардың көлемі (млн. теңгеде);
• бюджеттік қаражатты қолдану тиімділігі.

2-ші стратегиялық бағыт –  агроөнеркәсіп кешенінің субъектілерін  ақпараттық-кеңестік қамту деңгейін  жоғарлату.

Шаралар:

• қоғамның облыстық өкілеттілігі мен ауылдық ақпараттық-кеңестік орталықтың материалдық-техникалық базасын нығайту;
• ауылдық округтерде ауылдық кеңестік және ақпараттық пунктерді құру;
• агроөнеркәсіп кешенінің субъектілеріне ақпараттық-кеңестік қызмет көрсету;
• экстеншн жүйесінің функционалдық әрекетіне қолдау жасау;
• баспалық және электрондық ақпараттық ресурстарды дамыту;
• аймақтық желі пункттерінде ақпараттық маркетингтік жүйе ресурстарына қоғамдық қол жеткізушілікті қалыптастыру.

Тиімділігінің негізгі көрсеткіштері:

• ақпараттық-кеңестік қызмет көрсетумен қамтылған агроөнеркәсіп кешен субъектілерінің үлесі (%);
• облыстық өкілеттіктің базасында ашылған, ауылдық ақпараттық-кеңестік орталықтар, қоғамның қолы жететін пункттер саны;
• 100 субъектіге көрсетілген қызметтер көлемі (теңгеде).

3-ші стратегиялық  бағыты – агроөнеркәсіп кешенінің субъектілеріне агробизнестің тиімділігін жоғарлату мен қаржылық және материалды-техникалық ресурстарға қол жетуіне қолдау жасау.

Жүзеге асыру қажет шаралар:

• оқу-әдістемелік базаның қалыптастыру;
• аймақтық оқу-әдістемелік орталықтарды құру;
• ауыл тұрғындарын кәсіпкерлік, менеджмент, қаржылық талдау, маркетинг және компьютерлік сауаттылық негіздерін оқыту;
• дистанционды оқу жүйесін енгізу;
• бизнес жоспар мен проекттерді құру бойынша қызметтер көрсету;
• агроөнеркәсіп субъектілеріне қаржылық институттардың қызметтері бойынша ақпараттар беру;
• материалдық-техникалық ресурстармен жабдықтаушыларға жарнамалық қызмет көрсету;
• агроөнеркәсіп кешенінің субъектілеріне конкурстық гранттар бойынша кеңес беру.

Тиімділігінің негізгі көрсеткіштері:

• оқытылған агроөнеркәсіп кешенінің субъектілері және ауыл тұрғындарының саны;
• дистанциондық режимге көшірілген оқытушылар және тренингтік бағдарламалар саны;
• құрылған бизнес-жоспарлар мен проекттер саны;
• көрсетілген жарнамалық қызметтің көлемі (теңгеде).

4-ші стратегиялық  бағыт – ауыл шаруашылық өнімді  жылжытуда агроөнеркәсіп кешенінің субъектілеріне қолдау көрсету.

Шаралар:

• электрондық сауда жүйесінің қызметін көрсету;
• әлемдік биржалық жүйелермен электрондық сауда жүйесін интеграциялау және аймақтық желі базасында олар қол жеткізетін терминалдар құру;
• көрме-жәрмеңкелік шаралар, бизнес-форумдар және конференциялар өткізу;
• агроөнеркәсіп субъектілеріне жарнамалық-имидждік қолдау жасау;
• көрме-жәрмеңкелік жабдықтарды жалға беру.

Тиімділігінің негізгі көрсеткіштері:

• электрондық сауда жүйесін қолданушылар мен өткізілген сауда-саттықтың саны;
• электрондық сауда жүйесінің интернет-витринасын қолданушылар саны;
• Қоғаммен өткізілген көрмелерде, жәрмеңкелерде және форумдарда өнімдер көлемі.

5-ші стратегиялық  бағыт – агроөнеркәсіп кешенінің ішкі және сыртқы нарықтарын болжау және талдау, мониторингтің отандық жүйесін қалыптастыру.

Шаралары:

• бағалық ақпаратты жинау әдістемесін дамыту;
• ішкі және сыртқы нарықтарда баға мониторингі;
• мәліметті жинау және өңдеу процесін автоматизациялау;
• агроөнеркәсіп кешенінің негізгі салалары бойынша маркетингтік және аналитикалық зерттеулер жүргізу;
• нарықты болжаудың моделі мен әдістемесін қалпытастыру;
• агроөнеркәсіп кешенінің салаларын басқарудың біріккен автоматизацияландырылған жүйесін құру «e-Agriculture».

Тиімділігінің негізгі көрсеткіштері:

• агроөнеркәісп кешенінің саласында көрсетілген баға бойынша ақпаратпен аналитикалық зерттеулер саны;
• ақылы түрде көрсетілген қызметтің көлемі (теңгеде);
• ақпарт беру, өңдеу және жинау процестерінің автоматизацияландырылған үлесі.

Осы 5-ші стратегиялық бағытта айтылған басқарудың біріккен автоматизацияландырылған жүйесін («e-Agriculture») құру туралы толығырақ айтатын босақ, Қоғам «Электрондық Үкімет» мемлекеттік бағдарламасын қалыптастыруды жүзеге асыру шеңберінде аграрлық секторда басқарудың біріккен автоматизацияландырылған жүйесін құрумен жұмыстануда.

Бұл басқарудың біріккен автоматизацияландырылған жүйесі ауыл щаруашылық министрлігінің, «ҚазАгро» ұлттық холдингісінің және жергілікті атқарушы органдардың басқарушылық әрекетті жоспарлау және нәтижелерді терең талдау есебімен агроөнеркәсіп кешен салаларының құрылымдық тиімділігін айтарлықтай жоғарлатуға мүмкіндік береді

Басқарудың  біріккен автоматизацияландырылған жүйесі тек мемлекеттік органдардың әрекетін автоматизацияландыру үшін ғана емес, ең бастысы ол ауыл шаруашылық тауар өндірушілерге және ауыл тұрғындарына мемлекеттік электрондық қызмет көрсетуге бағытталған. 

Осындай қызметтердің бірі болып электрондық сауда жүйесі табылады. Бұның көмегімен ауыл шаруашылық тауар өндірушілер сауда-сатып алушылық операцияларды нақты уақыт режимінде жасай алады. Бұл олраға ауыл шаруашылық өнімді өткізген кездегі шығындарын төмендетуге мүмкіндік береді. 

6-шы стратегиялық  бағыт – компания әрекетінің тиімділігін жоғарлату.

Шаралар:

• корпоративтік басқару және корпоративтік этика кодекстерін енгізу;
• Қоғамның өнімдері мен қызметтеріне стандарттарды қалыптастыру және енгізу;
• бизнес-процестерді автоматизацияландыру, оптиматизациялау және жетілдіру;
• басқарушылық және қаржылық есепті бюджеттеудің ақпараттық жүйесін енгізу, қаржылық есептің халықаралық стандарттарына ауысуды қоса;
• көрсетілетін қызметтердің спектрін кеңейту;
• жаңа нарықтарды игеру;
• мотивация мен еңбек ақы жүйесін жетілдіру;
• шетелде оқытуды ұйымдастырумен қоса, Қоғамның персоналын үздіксіз оқыту жүйесін қалыптастыру және енгізу;
• мәлімет берудің біріккен корпоративтік желісін құру арқылы Қоғамның ақпараттық-коммуникациялық инфрақұрылымын дамыту;
• ISO 9001:2000 сапа менеджментінің халықаралық стандарт жүйесін қолдау.

Тиімділігінің негізгі көрсеткіштері:

• Қоғамда ИСО халықаралық стандартты енгізу;

       -      Қоғамда автоматизацияландырылған  бизнес-процестер үлесі (%).

ІІІ-бөлім. «Қазагромаркетинг» АҚ-ң маркетингтік іс қызметін жетілдіру жолдары

3.1. «Қазагромаркетинг»  АҚ қызметінің 2009 – 2013 жылдарға  негізгі

даму бағыттары

 

Ауылшаруашылық  өндірісінің, сондай-ақ отандық өндірістің бәсекелестік қабілетінің тиімділігін арттыру бағыттарының бірі ауылда ақпараттық және маркетингтік қызмет көрсетулерді дамыту болып табылады. Ауыл шаруашылық нарықтың қатысушыларын кешенді ақпараттық-маркетингтік және консультациялық қолдауын әрі қарай дамыту мақсатында жоспарлы және мақсатты бағытталған іс-шараларды ұйымдастыру қажеттілігі туып отыр.

Бағдарлама  мақсаты: Ауылшаруашылық заттарын өндірушілердің ақпараттық-кеңес беру және консалтингтік қызмет көрсетулерге қол жетімділігін қамтамасыз ету жолымен  ауылшаруашылық бизнесінің тиімділік деңгейін арттыру.

Міндеттері:

1)  ауылшаруашылық  білім мен жаңа технологиялар  мен ғылым жетістіктері  туралы  ақпараттың таралуы мен берілу  жүйесін құру және дамыту;

2) агроөнеркәсіп  кешенінің ақпараттық-маркетингтік  жүйесінің дамуына көмек көрсету;

3) Ішкі  және сыртқы нарықта отандық   ауыл                                                          шаруашылық өнімінің дамуына  көмек бойынша көрсетілетін қызметтердің  тізімін кеңейту.

Ауылшаруашылық  білімінің, озық технологиялар, ғылым  жетістіктері мен жаңалықтар туралы ақпараттардың таратылу мен берілу жүйесін құру және дамыту. Ақпараттық ресурстарға қол жетімділік кәсіпкерлік  белсенділіктің дамуының негізгі элементі болып табылады. 2007 жылдан бастап «Қазагромаркетинг» акционерлік қоғамының аймақтық желісінің базасында ауылшаруашылық білім, озық технологиялар мен жаңалықтар туралы ақпараттардың таратылуы  мен берілу жүйесі құрылады.

Жоғарыда  аталған жобаны іске асыру үшін аймақтық желінің, сондай-ақ орталық ақпараттың материалдық-техникалық ресурстары қолданылатын болады. Аталған жоба қызметінің тиімділігін арттыру мақсатында аталған жұмысқа Қазақстан Республикасының ауыл шаруашылық министрлігін, Қазақстан Республикасының ауыл шаруашылық министрлігінің ғылыми өндірістік орталығының құрылымдық бөлімшелерін, ассоциациялар мен одақтарды, сондай-ақ «Қазақстанның ауылшаруашылық өнімінің бәсекеге қабілеттілігін арттыру» Жобасын  қатыстыру қарастырылып отыр.

Жобаны  іске асыру механизмі, жоба конкурстық негізде таңдалған консультанттар тобымен іске асырылатын болады. Жобаның  негізгі міндеті ауылшаруашылық білімді, озық технологияларды, ғылым  жетістіктері мен жаңалықтар туралы ақпараттарды беру жолымен ауылшаруашылық өнімінің сапасы мен өнімділік деңгейін арттыру болып табылады.

Жобаның консультанттарымен аудандық деңгейде келесі бағыттар бойынша жұмыс жүргізілетін болады: аймақтардың ауылшаруашылық қалыптасуында ауылшаруашылық өндірісінің  тиімділігінің мониторингі; озық технологияларды  енгізу, отандық өнімнің жетістіктері мәселелерінде ауылшаруашылық тауарларын өндірушілердің негізгі қажеттіліктерін  анықтау; озық технологияларды және ғылыми жобаларды енгізу мәселелерінде  ауылшаруашылық тауарларын өндірушілерге  кеңес беру; іске асырылған жобалардың мониторингі және аудандар территориялары бойынша олардың нәтижелерін  тарату.

2–сызбадағы ППКК-ң анықтамасы Қазақстанның ауылшаруашылық өнімінің бәсекелестік қабілеттілігін арттыру жобасы. ҚАМ АҚ – «Қазагромаркетинг» акционерлік қоғамы. Жобаны қаржыландыру Қазақстандағы ауылшаруашылық өнімінің бәсекеге қабілеттілігін арттыру жобасын іске асыруға арналған қаржы есебінен жүзеге асыру қарастырылды.

 Республикалық  деңгейде жобаның кеңес берушілерімен  келесі бағыттар бойынша жұмыс  жүргізіледі: облыстық кеңес берушілермен  берілген тізімге сәйкес озық  технологиялар мен ғылыми жұмыстар  бойынша мәліметтер базасын құру; тәжірибе жинақтау және оларды  Қазақстан Республикасының аймағындағы  өндіріске енгізу мақсатында  шетелдің ақпараттық-кеңес беру қызметімен қарым-қатынас жасау; Қазақстан Республикасының аймағындағы өндіріске шетел технологияларын және ғылыми жұмыстарды енгізудің тиімділігі бойынша жұмыс жүргізуді ұйымдастыруда Қазақстан Республикасының ауыл шаруашылық министрлігімен, басқа орталық атқарушы органдармен бірігіп жұмыс жасау.

Күтілетін нәтижелер: ауылшаруашылық өндірісін  басқару жүйесін жақсарту жөніндегі  тәжірибелік дағдылар мен әдістер  жиынтығы бар, сондай-ақ қатал бәсекелестік жағдайында жеке бизнесті дамытуға қабілеті бар агроөнеркәсіп кешенінің субъектілер санының көбеюі; агроөнеркәсіп кешенінің ақпараттық маркетингтік жүйенің дамуына көмек көрсету.

Агроөнеркәсіп кешенінде маркетингтік қызмет көресту  жүйесі   – орталық және жергілікті атқарушы органдардың ақпараттық, техникалық, сондай-ақ агроөнеркәсіп кешенінің  субъектілерін ақпараттық-маркетингтік және кеңес берумен қамтамасыз етуге  бағытталған арнаулы ұйымдардың біріккен жүйесі.

Агроөнеркәсіп кешенінің ақпараттық-маркетингтік жүйесі қызметінің мәні агроөнеркәсіп  кешенінің субъектілерінің қызметін ақпараттық-маркетингтік және кеңес берумен қамтамасыз етуге бағытталған арнаулы ұйымдардың, орталық және жергілікті атқарушы органдардың жұмыстарының жүйеленуі болып табылады. Агроөнеркәсіп кешенінің ақпараттық-маркетингтік жүйесіндегі арнаулы ұйым – «Қазагромаркетинг» акционерлік қоғамы.