Құрастырмалы құрылыс құралымдарын құрастыру

12 Құрастыру жұмыстарын қысқы мерзімде жүргізу шаралары  

      Сыртқы  ауаның теріс температурасы жапсарлар  мен жіктерді бетонмен және ерітіндімен  бекітуге әсерін көрсетеді. Сондықтан құрастыру жұмыстарын қысқы жағдайда орындағанда құралымдардың жапсарлары мен жіктеріндегі бетон және ерітінді қатуын қамтамасыз ететін шаралар қолдану керек. Сонымен, бетонмен және ерітіндімен жапсарлар мен жіктерді бекіту тәсілдері есепті күштерді қабылдайтын және оларды қабылдамайтын жапсарлар құралымына байланысты.

      Қысқы жағдайда жапсарлар бекіту үшін тап  жазғы уақыттағыдай бетон мен  ерітінді қолданылады, бірақ тұтастыру алдында жапсырылатын беттер алдын-ала оң температураға дейін жылытылады және содан кейін бетон мен ерітінді жобадан 50%-дан кем емес беріктік алғанша жылыту жүргізіле береді. Қажетті жағдай – бетон мен ерітінді осы беріктікке жеткенше оң температураны қамтамасыз ету.

      Есепті  күштер қабылдайдын жапсарлар үшін, әдетте, бетон мен ерітіндіні жылыту қолданылады. Бұл үшін шағылдырғыш пештер, ішкі жылыту аспаптары, жылытатын қалып және индукциялық жылыту тәсілі пайдаланылады.

      Жапсарлар бетонын электрмен жылытуды, олар есепті күштерді қабылдай ма, жоқ па, оған байланыссыз қолданады. Сонымен  қатар, қай жапсарлар болса да, аязға қарсы қосымшалар пайдаланылады.   
 
 

13 Құрастыру жұмыстарын өндіру кезіндегі қауіпсіздік сақтау шаралары  

      ҚМЕІІІ-4-80-ге сәйкес құрастыру жоспарларында  және үлгілерінде құралымдардың  барлық элементтерін құрастыру зоналарының  тектері анықталып және белгіленуі керек, құрастыру процесінде құралымдар элементтерінің тұрақтылығы және құрастырушылар мен дәнекерлеушілердің биіктікте қауіпсіздігін қамтамасыз ету бойынша шарттар беріледі, құралымдарды стропылау және ілмектен босату тәсілдері көрсетіледі, биіктікке кісілер көтеру, қоршаулар, сақтық жазулар, плакаттар орнататын жерлер белгіленеді, құрылыс алаңында өрт қауіпсіздігін қамтамасыз ететін жүйелер анықталады.   

        Барлық жұмыскерлер құрастыру жұмыстарын қауіпсіз жүргізу бойынша инструктаж өтеді. 4-тен кем емес разрядты құрастырушылар медициналық тексерістен жылына 2 рет өтеді, сондай-ақ олардың жұмыс істеу стажы 1 жылдан кем болмауы керек.

      Барлық  жұмыскерлер каска және арнайы киім киіп жүруі керек. Жоғарыда жұмыс  істеу барысында сақтандырғыш белдеулерін тағады. Құрылыс алаңында ескерту жазулары болуы тиіс.

      Қауіпті зонаның шекарасы көтеру биіктігі 20 және 100 метр болғанда сәйкес кран ілмегінен 7 немесе 10 метр қашықтықта анықталады.

      Крандар, болат арқандар, стропылар және траверсалар  сенімділікке тексеріліп отырылады. 5 баллдан жоғары желдерде құрастыру жұмыстары тоқтатылады.

      Жаңбыр, қар және найзағай кезінде дәнекерлеу жұмыстарын жүргізуге тыйым салынады.  
 
 
 
 
 
 
 
 
 
 
 
 
 
 
 
 
 
 
 
 
 

Қорытынды 

      Салынып және жаңғыртылып жатқан құрылыс  жобалары мен техниканың ең жаңа жетістіктері негізінде тұрғызылуы қажет, ал өндірістік кәсіпорындар пайдалануға берілгенге дейін салынатын тұрғын үй, қоғамдық және басқа да үймереттер мен ғимараттар техникалық жағынан озық және қазіргі заман талаптарына сай болуы керек. Барлық құрылыс-құрастыру жұмыстары сапалы әрі қысқа мерзімде жүзеге асырылуы тиіс.

      Құрылыс салуды жеделдету, құрылыс-құрастыру  жұмыстарының өзіндік құнын арзандату  және құрылысшылардың еңбек өнімділігін  арттыру үймереттер мен ғимараттардың  түрлеріне және олардың ең қолайлы деген құралымдық шешімін табуына едәуір дәрежеде байланысты.

      Жобаға  тиімді, типті үйлестірілген, құрамалы ірі көлемді құралымдарды барынша  көп пайдалану ғылыми-техникалық прогрестің негізгі бағытын құрылысқа  тезірек енгізуге мүмкіндік береді. Бұл бағытқа жүйелі индустрияландыру, құрылыс өндірісін дайын құрылыс құралымдары мен бөлшектерінен және зауытта жасалған технологиялық тораптар мен инженерлік жабдықтардан үймереттер мен ғимараттарды құрастыру жұмыстарын кешенді механикаландырылған үздіксіз процеске айналдыру жинақталады.

      Құрылысты одан әрі индустрияландырудың негізгі  бағыттары дайындалатын құрылыс құралымдары мен бөлшектердің дәлдігін арттыру; оларды мүмкіндігінше бірден пайдалануға болатындай етіп зауыттарда жасап шығару; үймереттердің құралымдары мен бөлшектерін тиімді деген көлемге дейін ұлғайту, ал олардың салмағын барынша азайту; үймереттерді құрастыру кезінде жетілдірілген механикаландыру құралдарын пайдалану және жинақтау жұмыстарын автоматтандыру және роботтандыру болып табылады.

      Өндірістік  үймереттер мен ғимараттардың құрылысын  көптеп салу жұмысты үздіксіз ұйымдастыру  нәтижесінде орындалады. Бұл ретте  жұмысшыларды тұрақты түрде жұмыспен қамтамасыз ету арқылы шығын азайтылады, құрылыс машиналарын тиімді пайдалану жақсарады, құрылыс-құрастыру жұмыстарының өзіндік құны азаяды.     
 
 
 
 
 
 
 
 
 
 
 
 
 

Қолданылған әдебиеттер тізімі 

1. С.Қ Хамзин «Құрылыс өндірісінің ұйымдастырылуы мен технологиясы», Астана: «Фолиант» баспасы, 2007; 

2. СНиП 12-03-2001 және СНиП 12-04-2002 «Құрылыстағы еңбек қауіпсіздігі»;

3. С.Қ.  Хамзин, А.Қ. Әбішев «Құрылыс процестерінің технологиясы», Алматы: «Баспа», 1997; 

4. С.Қ.  Хамзин, А.Б. Жанаев Құрылыс өндірісінің  технологиясы. Курстық және дипломдық жобалау, Алматы, 1995;

5. Хамзин  С.Қ. Үймереттер мен ғимараттардың құрылыс технологиясы, Алматы, Ана тілі, 1994;

6. С.Қ. Хамзин «Үймереттер мен ғимараттардың құрылыс технологиясы» Астана: «Фолиант» баспасы, 2004;

7. Литвинов О.О., Альперович С.З., Батура Г.М. Технология строительного производства. Издание третье, переработанное. Киев, Головное издательское объединение «школа», - 1997;

8. С.К. Хамзин «Монтаж строительных конструкций» Алматы: «Мектеп», 1983; 

9. СН РК 8.02-05-2002 «Общие положения  по применению сметных норм

     и расценок на строительные работы»

10. СНиП  ІІІ-4-80 «Техника безопасности в  строительстве»